Politics Rwandan

ABAYISILAMU BO MU RWANDA BIZIHIJE EID AL-FITR

by admin on | 2024-04-10 06:10:49

Share: Facebook | Twitter | Whatsapp | Linkedin Visits: 110

---

Abayisilamu bo mu Rwanda kimwe n’aba’ahandi ku Isi yose basoje igisibo cy’ukwezi kwa Ramadhan basabwa kwirinda ibikorwa by’imyidagaduro n’ibirori kuko uyu munsi wahuriranye n’icyumweru cyo kunamira abazize Jenoside yakorewe Abatutsi mu 1994.

Kuri uyu wa 10 Mata 2024, nibwo Abayisilamu basoje igisibo cya Ramadhan.

Isengesho ku rwego rw’igihugu ryabereye kuri Kigali Pele Stadium i Nyamirambo, aho ryitabiriwe n’abayisilamu benshi. Mu butumwa bw’Umuryango w’Abayisilamu mu Rwanda (RMC), wishimiye ko basoje igisibo neza ndetse n’abayisilamu basabwa gukomeza kwitwara neza. Bibukijwe ko uyu munsi wahuriranye n’icyumweru cy’icyunamo cyo kwibuka ku nshuro ya 30 Jenoside yakorewe Abatutsi mu 1994, bityo ko batagomba gukora ibirori.

 

Mufti w’u Rwanda, Sheikh Salim Hitimana, yagaragaje ko kugira ngo Jenoside yakorewe Abatutsi ishoboke yabanje gutegurwa ku buryo mu minsi 100 gusa Abatutsi barenga miliyoni imwe bishwe. Yashimye Inkotanyi zitanze zikabasha guhagarika Jenoside yakorewe Abatutsi ndetse anasaba Imana gukomeza kurinda igihugu, gukomeza kugiha umutekano usesuye no kurinda abayobozi b’igihugu. Abayisilamu kandi basabwe kuzagira uruhare rugaragara mu matora y’Umukuru w’Igihugu n’ay’Abadepite ateganyijwe muri Nyakanga 2024.

umunsi wa Eid al-Fitr uba ari umunsi w’ibyishimo ku bayisilamu aho basangira n’inshuti n’abavandimwe abandi bagakora ibirori by’ubusabane, ariko kuri ubu basabwe kubahiriza amabwiriza agendanye n’ibihe byo Kwibuka Jenoside yakorewe Abatutsi. RMC yagaragaje ko mu gihe cy’ukwezi kwa Ramadhan hatanzwe inkunga ku miryango ibihumbi icyenda. Hatanzwe kandi miliyoni 27,2 Frw yaguzwemo ibyo kurya bihabwa Imiryango 5000 itishoboye yo hirya no hino mu gihugu.

 

www.andika.rw

Marc N

 

Inkuru Ziheruka

 

Abarimu bashaka kongererwa inguzanyo idatangirwa ingwate bahawe igisubizo

https://www.andika.rw/news-details.php?nid=85

Imigani MIgufi

https://www.andika.rw/news-details.php?nid=6

Ibisakuzo

https://www.andika.rw/news-details.php?nid=5

Imvugo zikoreshwa ku ngoma( Umwami)

https://www.andika.rw/news-details.php?nid=7

End@@