Jobs and Tender imigani migufi

IMIGANI MIGUFI

by admin on | 2024-01-07 10:22:37

Share: Facebook | Twitter | Whatsapp | Linkedin Visits: 265

---

IMIGANI MIGUFI(IMIGENURANO)

Kugenura ni ukwita izina ufite icyo urikurijeho cyaba kibabaje cyangwa gishimishije. baca umugani bafite icyo bahereyeho ari byo bita “kugenura.” akaba na none ari yo mvano y’imvugo igira iti:” Umugani ugana akariho” Umugani mugufi ni imvugo izimije ariko isobanura byinshi igamije kwigisha, gukosora cyangwa gutanga inama runaka, inacibwa kandi kugira ngo abantu bashishikarizwe no gukomeza gukora ibyo basanzwe bakora iyo ari byiza no kubigisha ngo bisubireho cyangwa bikosore kubera amakosa bakoze cyangwa se kugira ngo bahindure imyitwarire yabo mibi.

INGERO Z’IMIGANI MIGUFI:

1.         Ababiri bishe imbwa y’umwami irahera

2.         Abagira inyonjo bagira ibirori

3.         Abahiniye hamwe bahima abari hanze

4.         Abatutira batongana baturana ukubiri

5.         Abo umwami yahaye amata ni bo bamwimye amatwi

6.         Abo umwami yasereye amasaka ni bo bamusereye amabuye

7.         agaharawe gahabwa agahari, agahararutswe kagahabwa agahini

8.         Agakara gasiga imbwa ntigasiga akoko

9.         Agapfunyika ka kabutindi ukarenza urugo kakakugarukira

10.       Agasaza kamwera akandi kuzakamwa (gira so yiturwa indi)

11.       agasebe k’amaganya ugashima wicuye

12.       agashyo kabaga amatungo y’abandi ntikabura ubugi

13.       Agasore ndarisokoje ntikarushinga

14.       agasozi gashize abagabo imbwa zikwiza amazina

15.       Agasozi kagusabye amaraso ntuyakarenza

16.       Agato karakura

17.       aharaye inzara haramuka inzigo

18.       Ahari ibicuma ntihabura ibicumuro

19.       Ahari ubuhoro umuhoro urogosha

20.       Ahatari injangwe imbeba zirabyina

21.       Ahatuma ibiziba uhatega kamena na nyakanga

22.       Aho guhamagara ukwihorera wahamagara usinziriye

23.       aho ibyago byaje ibihaha bica umuhoro

24.       aho ingenzi zitari ingegera zirigurugumbya

25.       Aho intumbi ziri ni ho inkongoro ziteranira

26.       aho ufite imbibe uhora uhashinga imbibi

27.       Aho ujishe igisabo ntuhatera ibuye

28.       aho umukecuru atoye uruhindu ahita uruganda

29.       Aho uniga urahasanga umuhogo

30.       aho ushyinguye amagara ntuhashyira ubugi bw’intorezo

31.       Aho wambariye inkindi ntuhambarira ubucocero

32.       Akabando k’iminsi gacibwa kare kakabikwa kure

33.       Akabaye inkanda iherezo kaba ihururu

34.       Akabikora kabizi karya imboga karitse ubugari

35.       akaboko gaseguye intwaro kifuza iminyago

36.       Akaboko kishe inkware gahora kamanitse

37.       Akabuno k’umuvumbyi gakomeza umutsi

38.       Akabuno karusha isuka gucainshuro

39.       Akagega k’amagambo ni amatwi

40.       Akamaze umugabo iseseme karamubyibushya

41.       akamaze umugabo iseseme karamubyibushya

42.       Akananiye inkona inkongoro ntikoraho

43.       Akananiye intozo, umusega ntiwakoraho

44.       Akanwa karya ntiwumve kavuza induru ntiwumve

45.       akari ikuzimu, ukabaza ifuku

46.       Akari mu nda y’ingoma kamenywa n’umwiru na nyirayo

47.       akarimi kakurega si ko kakurenganura

48.       Akazapfa kabungira akazakica naho akazakira kabungira akazagakiza

49.       Akazarusenya gahora inyuma y’inzu

50.       Ako iminsi iteruye ntikaremera

51.       Amacumu y’inda ntashira igorora

52.       Amagambo atagira mukuru arumba ari indaro

53.       Amagambo atavunaguye ntakwirwa mu ruhago

54.       Amata asabwa aho ari

55.       Amata azakenya umugore uyabona akiyacunda

56.       Amatako y’umubyeyi acumura yicaye

57.       Ayo ubwira umucuzi si yo ubwira umucuzikazi

58.       Banegurana ari inege ba nenge itirora

59.       buri wese satani amubohesha umugozi amusanganye

60.       Cira mu gacuma haryoha ururaye

61.       Findi findi irutwa na so araroga

62.       Guca kunda n’indyarya ni ugusigira abana impyisi ugasinzira

63.       Guherekeza utagushaka bitera inzira agahinda

64.       Guhitwa amagambo ni ubutayu bw’ibitekerezo

65.       Gusekera utagushaka bitera imbeho mu menyo

66.       Gusera intanyurwa ni ugusesa

67.       Haguma amagara, umurizo uramerwa

68.       Ibara ryananiye imbwa ni ibihogo

69.       Ibikundanye birajyana nka mukungwa na nyabarongo

70.       Ibirenge bijya imbu kujya imbere

71.       Ibirenge bikandagira umugondoro inda ibigaya

72.       Ibitwenge by’inkoko bishirira mu kwayura

73.       Ibuguma ntishobora isibo

74.       ibunyokorome uhajyanywa na nyoko

75.       ibyagiye kera ibyagurukana irago

76.       icumu rizagucungura ntumenya iyo ryacuriwe

77.       icyansi k’impumyi cyoga itashye

78.       Ifumba yapfubye ntawuyendaho igishirira

79.       Igikenya nticyumva ihoni

80.       Igishongore k’imbwa ntikiyibuza guhunahuna

81.       Igisiga k’ikinyamahirwe kica imbeba yarariye umunyu

82.       Igiti ntikimenyekana k’ubwo izina kitwa, kimenyekana k’ubwo imbuto kera

83.       Igitsure cy’utaguhatse ugira ngo ni yo ndoro

84.       Igitunga umurwayi kimenywa n’umurwaza

85.       Ijisho ry’Imana riruta irya nyina w’umwana

86.       Ijisho ry’umukunzi rikuririra ripfuye

87.       Ikenewabo gikubitisha imfizi urushyi

88.       Ikiga kuvugiriza gikoboka umunwa

89.       Ikiganiro kiraryoha ntikirya irobe

90.       Ikinege si ikinegu

91.       Ikinyoma cyumvise ukuri kimena urugo

92.       Imana iguha nk’iguhorera, ikaguhana nk’iguhora inzigo

93.       Imana ikunanurira itakweretse icebe

94.       Imana y’inka iba ku iriba

95.       Imandwa z’abatindi zigira iyazo mirindi

96.       Imanga y’imana iruta ikigarama k’ijisho

97.       Imbeba ihaze ikinira hejuru y’akamashu

98.       imburamukoro ihinga ku ikoro

99.       Imbundaguzi y’ubutama ntimenya ko amata ari amasabano

100.     Imburagihana yabuze gihamba

101.     Imfura igwa mu mfuruka

102.     Imfura isenya iseka

103.     Imfura ishinjagira ishira

104.     Iminsi ikubakira inyumba ikurindirije ivundi

105.     Iminsi iteka inzovu mu rwabya

106.     Iminsi ivuguta nta muvuba

107.     Iminsi ntihera iba ikibaza inzira

108.     Imitunu y’urukwavu ntiyabujije ishyamba gushya

109.     Impamba itazakugeza i Kigali uyirira ku Ruyenzi

110.     Imyambarire si yo myambarize

111.     Inda igira iti: « Munyimire » bwacya iti: « Munsabire »

112.     Indagano y’iminsi ni ukurya ukambara

113.     Indarikira kwambara y’umugore yataye umugabo ku gasi

114.     Indinda iba kabiri: hari ndinda dawe na ndinda mwana wange

115.     induru ntitsinda ingoma

116.     Indyarya irya indagizo

117.     Ingobyi ihetse uruzingo iruta ihetse ubusa

118.     Ingoma ituje ntibura ituro

119.     Ingoma ntigira umunyina ikamisha umuyoboke

120.     ingoma nziza ni igukijije

121.     ingoma utonnyeho ni yo ugiraho ubutwari

122.     ingoma uyirira inkuna, igakiza nkunzi

123.     Ingoma zirya bamwe abandi bambuka

124.     ingona va mu ruzi ikarigata urume

125.     Ingorane zigorerwa indangare

126.     Ingurube ibyaye ntiribwa n’imbwa

127.     Inka utanze iruta iyo utunze

128.     inka ya nkoronko igira inkomoko

129.     inka yikoma isazi aho ugeza umurizo

130.     inkanda mbi ibyara imisuzi

131.     Inkanda yose igira inkano(isuku igira isoko)

132.     Inkezi ikera uko ireshya

133.     Inkoko yaraye hanze iba yaraye inkware

134.     Inkoni y’umukene ayigegena ayigeraho

135.     inkono ntihira ikibatsi ihira ikibariro

136.     Inkono zisumbanya imbyiro

137.     Inkovu icitse irushya abavuzi

138.     Inkunguzi y’inkware yashotse agaca kayireba

139.     inkunzi y’imiryaango icika inkangu mu nnyo

140.     Inkware ishira kuguruka ari uko yapfuye

141.     Inkware y’inyabugingo itora mu itongo ry’uwayihigaga

142.     Insekanyi ya muhinya ntimenya icyo yicariye

143.     inshuti ikugora ikugoroza integer z’ikijumba

144.     Inshuti ziba nyinshi iyo mwambaranye ubusa irguma

145.     intasi y’impyisi yabira maka

146.     Intati nticuka kun da

147.     Intege nke zitera imico myiza

148.     Intibwira y’inkumi ipfumbata umushyitsi

149.     intimba y’intore ntiyibuza guhamiriza

150.     intozo isaza ku menyo ntisaza ku merwe

151.     Inyabizi ibyara ingongerezi

152.     Inyamaswa idakenga yishwe n’umututizi

153.     Inyamaswa y’inkenguzi ishibuza umutego umunwa

154.     inyamaswaidakenga yishwe n’umututizi

155.     inyange ntiharanira kwera

156.     Inyoni iraguruka ikisunga igiti

157.     Inzoga yoshya ubutwari, rwarema ikagutererana

158.     Irizaba imbuto ntirimungwa

159.     Ishyano ni agacuma akeso bakoramo

160.     ishyano rigusanze mu buriri uraryerekera

161.     Isi ntigira inyiturano

162.     Iteme umugabo azambuka aritinda agitunze

163.     Iyagukanze ntiba inturo

164.     Iyakaremye ni yo ikamena

165.     iyaneye kazutu ntireka myambi

166.     iyaseseye ntiyugururirwa

167.     Iyimiye mu gisigati ibarirwa bose

168.     Iyo abavandimwe bavumbitse akarenge, uvumburamo akawe

169.     Iyo bakubise nyiri uruhara nyiri imvi yumviraho

170.     Iyo iminsi ihuze urayiba

171.     Iyo injangwe ishaje imishushwe irayonka

172.     Iyo inkoko ivuye mu magi arabora

173.     iyo inkuba ikubise inkumi ikinga ibere

174.     Iyo inzovu yerekeye hirya uyipfura urutsinga

175.     iyo umusizi akweretse igiti ujya mu mizi naho abaswa bareba ibibabi

176.     Iyo umuturanyi arwaje ibinyoro uzinga akarago

177.     Iyo witereye mu mazi ashyushye arakotsa

178.     Izaba umusega uyibona nyina ikiyibwegetse

179.     Kuramutsa utagushaka bitera imbavu imisonga

180.     kutarera umwana neza ni ukwitera akazana utazi akazaza ejo

181.     Kuzinduka kwa rusake ntikwayibujije kunnya mu nzu

182.     Mpemuke ndamuke yagambaniye uwamuhaye inka

183.     Mwanyu ni mwa nyoko mwa nyina w’undi ni mwa nyiranyenga

184.     nta mukene wikebesha imanzi

185.     Nta mwami uba kabeba

186.     nta we usekana rukoba ahetse rukobora

187.     nta we usekana umukori, ahetse umukobwa

188.     ntawe ukandagira ibijanju by’amacupa ngo ananirwe ibijanju by’ibicuma

189.     Ntawuhisha uwo ahishaho

190.     Ntawukandagira ibijanju by’amacupa ngo ananirwe ibijanju by’ibicuma

191.     Ntawurasira isandi mu rusaku

192.     Ntawusekana rukoba ahetse rukobora

193.     Ntawusekana umukori ahetse umukobwa

194.     Ntawusezera aho akigenda

195.     Ntawusesha uwo acyota

196.     Ntawutiza urugi impyisi zihuma

197.     Ntawuvuga amacumu urugamba rutararangira

198.     Ntayima nyina akabara

199.     ntinde bigwire yapfuye atararongora

200.     Ntugakangwe na ndisize wenda yaba ari amasabano

201.     Ntugaseke umugabo, bucya muhura ataboshye

202.     Nubakiye imisure sinishinze imirizo yayo

203.     Nyayima nyina akabara

204.     Nyina w’undi akurebera inda imugongo

205.     Nyina w’undi akurebera inda imugongo

206.     nyiri inkota ni uyifashe akarumyo

207.     Nzashira ingurugunzu nkiri ngagi

208.     toni yambarwa n’uwatonnye

209.     turareeshya irasonzesha

210.     Ubona rwubitse agira ngo ntirwaseye

211.     Ubonye ishya itamba ata n’urwo yari yambaye

212.     ubonye rwubitse agira ngo ntirwaseye

213.     Ubucuti bushingiye ku musangiro bushira ubusa

214.     Ubukana bw’imboga ntibwotsa imbehe

215.     Uburana uruhu rw’injangwe ugahonga urw’ingwe

216.     uburanga butagira umutima ni nk’impeta y’izahabu ikwikiye mu izuru ry’ingurube

217.     Uburere bwiza bucisha imfura mu mwijima

218.     uburezi bw’umwana butangirira ku kiriri, bukarangirira ku kiriyo

219.     Ubusore bubeshya umuntu agaseka

220.     Ubuto buroshya ntibuherekeza

221.     Ubuze ay’iburyo akama ay’ibumoso

222.     Ubuze icyo ashaka afata icyo abonye

223.     ubwira butindi butera umukobwa gusambana asabwa

224.     Ubwiza bw’intobo ntibuyibuza kurura

225.     ubyinana na mukeba ntahumbya

226.     uca imisoto y’inda ntashira umuhoro hasi

227.     Uciye bugufi ahinga itongo ry’inkuba

228.     ucumbagira ineza, inabi yaza ugasiga intashya

229.     ucunga nabi umugisha, umurage wahawe n’abasokuruza ugatungwa n’abasuhuke

230.     Ucuritse inkanda ntaba acuritse umutima

231.     udahinze ahakomeye ntasarura amakoma ngo akome mu beenzi

232.     ufite icyo arya ntabura icyo yaanga

233.     ufite iseseme ntabura aho ayiruka

234.     Ugaya igisate aba areba igisigati munsi y’urugo

235.     Ugaya impundu z’urushishi areba imisaya ziturukamo

236.     ugaya ubuto bw’ibye arirya urwara

237.     Ugirirwa ineza n’uwo yayigiriye aba agira imana

238.     Uguhaye akubonye arutwa n’ukuzirikana

239.     ugukwereye umuyaga umurongoranya ikinyoma

240.     ugutanze mu kebo aguhaza intore

241.     Uhana umupfu yica umubyizi

242.     Uhawe n’imana ntiyamburwa n’umuyaga

243.     Uhaze ikivuge ntabura ikivugo

244.     Uhenera umukunzi ntamuhisha innyo

245.     Uhigira igisambu igisebe gihigira ruseke

246.     uhinga yihima atera urwiri mu murima we

247.     Uhisha mu nda imbwa ntimwiba

248.     Ujya guhamagara sakabaka aba yujuje imbeba urutete

249.     ujya kwima umuja umujago, acunda arigata inzindaro

250.     Ukiza umuntu bwacya ntumukire

251.     Ukorora acira aba agabanya

252.     Ukuri kwimutsa ikinyoma ku ntebe (Musare wa karimunda)

253.     ukuri uguhisha inyuma y’ishyiga kukabirira mu ziko

254.     Ukuri umuja yakavugishije ni ko ahakishwa

255.     ukuri wakavugishije ibwami ni ko uhakishwa

256.     umugabo mbwa araga abana urubanza rwamunaniye

257.     Umugabo udahinga ntaririra akaryoshye

258.     umugabo umwe agerwa kuri nyina

259.     umugabo yananiwe kwenda, abeshyera akarago ngo Karanyerera

260.     Umugayo uvuna ugaya, ugawa yigaramiye

261.     Umugezi w’isuri urisiba

262.     Umugore gito arutwa n’umwanzi gica

263.     Umugore mwiza asegura inkokora inkoko zikarinda zibika

264.     Umugore ni intati, agukamira impenda impinduka zaza akaguta mu ngarigari

265.     Umugore si amabere n’ihene igira abiri

266.     Umugore uri ku mutiba ntabura umutima

267.     Umugore w’umupfu agira ngo mukeba yagabuye

268.     Umugore w’umupfu arya imbuto agasiga intabire

269.     umugore yishimiye umugabo aryama aheneye iwabo

270.     Umuhambyi wa matene ntajya ata ingata

271.     Umukobwa atigisa ibere atazi ingaruka zaryo

272.     Umukobwa ukabya kubenga iziko ntarigwaho arigwamo

273.     Umukobwa w’ubwira asambana asabwa

274.     Umukobwa w’umupfu yirahira imfizi ya se

275.     Umukobwa yiriye akara akaga karaza

276.     umukunzi w’impyisi ni we irya mbere

277.     Umuntu ahunga ikimwirukana ntahunga ikimwirukamo

278.     Umuntu ajarama yajaramanze kujarajara

279.     umurage w’ubugwari uwutora mu butoya.

280.     umurashi w’impongo ntatuma ituza

281.     Umuruho ntiwabira habira nyirawo

282.     Umuryango utazimuye urazima

283.     Umusemburo w’urwango ukozamo agati kagashigisha intango

284.     Umusimbutsi w’udusozi ntamenya akazamunanira

285.     Umusizi umwereka igiti akajya mu mizi,naho abaswa bareba ibibabi gusa

286.     umutemeri w’ishavu ni ijosi

287.     umuti w’ubusore ni ukurongora

288.     Umutima usobetse amaganya ntusobanura amagambo

289.     Umutima w’inkumi usuzumwa n’inkanda

290.     Umutindi ntakira n’iyo akize nakira uko yabaye

291.     umutungo w’imbwa ni inzogera

292.     Umuturanyi mubi arutwa n’itongo

293.     Umuvumo uvuna uvuma, uvumwa yigaramiye

294.     Umwami ntiyica hica rubanda

295.     Umwana usuzugura bwira aneye rimwe

296.     Umwana w’undi abishya inkonda

297.     Umwari ava mwa nyina

298.     Umwate w’umukunzi uwubonamo amaribori

299.     Umwera uturutse ibukuru bwira wakwiriye hose

300.     Umwijuto w’ikinonko ugira ngo imvura ntizagwa

301.     Unera agati kikubiranyije wahaguruka kakayagutera

302.     urasana n’iminsi ntakura mu ruge

303.     Urubyiruye impaza ntirubura impagarara

304.     urugendo rw’imbwa rushirira mu ihunahuna

305.     Uruyuzi rujya kwera ibihaza rubanza ubututu

306.     Urwakuziye nturwima umuniho

307.     Urwiganwa rwa mushushwe rwamaze imbeba mu rubariro

308.     Urwubatswe n’imana ntirusenywa n’umuyaga

309.     urya inshuro n’inshuti bigashira udahaze

310.     useka usuze bwacya ukannya

311.     Ushaka amahoro yeenga amahore

312.     Ushaka gusoroma ibimusumba yihanganira ibimutokoza

313.     Ushaka kwima umuja umujago acunda arigata inzindaro

314.     Ushaka umugore mpagama wabyara umwana ngo urampamagarira iki?

315.     Ushaka umushaka asanga umweko woroshye

316.     Ushyingura amurika aba yereka imbeba

317.     Ushyira umutindi ku kigega bwacya akakwimira umwana impengeri

318.     Utagira ubwoba aba atagira ubwenge

319.     Utakeje rusenzi rusengo ntiyamusanze

320.     Utarabona uko yigira asangira n’uwishe se

321.     utaraburogwa agira ngo yabunnya

322.     Utazi akamukenyereye inkanda yiha kubyina akamangamango

323.     Utazi akaraye i Fumbwe araza ifu

324.     Utazi akari mu nda y’ingoma yongeza imirishyo

325.     Utazi akazakura abaga umutavu

326.     Utazi irengero ry’amagambo agira ngo umuyaga ni igaju

327.     Utazi irengero ry’inzira agira ngo umuyaga ni igaju

328.     utazi umuvumo avumba aho yanzwe

329.     Utazi umwanzi asiga umubiri

330.     Utazize inarabyaye azira inarashatse

331.     Utema atitonga ahunika ibigega

332.     Utetse ubusa ni bwo yarura

333.     utinda ngo ukumburwe ugasanga waribagiranye

334.     Utinze azanyagwa ni umushumba w’inda

335.     utonganye n’umuriro arya ibibisi

336.     Uturanye n’inganda ntabura inzavumba

337.     ututirira inda ntashyira umuhoro hasi

338.     Uwagumiwe n’amenyo ahagamwa n’amazi

339.     Uwakumoye ntatuma umusatsi umera

340.     uwakumoye ntatuma umusatsi umera

341.     Uwambaye injamba ntagira ijambo

342.     Uwambaye umwambaro w’urugamba ntakwiye kwishima nk’uwikuye aruvuyeho

343.     uwisize ntabura umunogereza

344.     uwiherewe n’imana ahambira abambuzi bamureba

345.     Uwiruka mu ntabire y’undi ntabura amaguru

346.     uwiterereza sakabaka aba azi imbeba yujuje urutete

347.     Uwivumbuye aba yivumbitse

348.     Uwo imana yasize umunyu rubanda ruramurigata

349.     Uwo isi itarakaranga iba ikimushakira ibirungo

350.     Uwoza inda y’umwanzi amara imonyi

351.     Uzahene ahandi i Shangi barasamo

352.     Wanga amahoro mu kebo, amaherere yaza ukayakira mu nkangara

353.     wanga amahoro mu kebo, amaherere yaza ugatega inteebo

354.     Wanga kumenera igihugu amaraso imbwa zikayanywera ubusa

355.     wigana inzoka kugenda ugakoboka inda

356.     wima igihugu amaraso imbwa zikayanywera ubusa

357.     Wishimira gusomera, ejo ukarumanga

358.     Yashize amanegu nk’amabuno y’ihene

359.     Zambukanye ibakwe zitaha ikamikazi

360.     zambukanye ibakwe zitaha ikamikazi