Politics Rwandan

Umufundi yatanze kandidatire ku mwanya w'umudepite mu matora ari imbere mu Rwanda

by admin on | 2024-05-24 11:54:37

Share: Facebook | Twitter | Whatsapp | Linkedin Visits: 271

Amakuru Aakuru mashya dukesha komisiyo y’amatora ni uko Mwubahamana Vincent usanzwe ari Umufundi, yatanze kandidature ye ku mwanya w'Umudepite wigenga aho yavuze ko afite ikizere cy’uko mu gihe Komisiyo y'amatora yakwemeza kandidature ye afite byinshi bikubiye mu migabo n'imigambi azaserukana.

Uyu Mwubahamana ubwo yari amaze gutanga Kandidatire ye, mu kiganiro yagiranye n'itangazamakuru yavuzeko afite ikizere cyuko mu gihe kandidature ye yaba yemejwe na Komisiyo y'amatora agatangira kwiyamamaza hari byinshi bikubiye mu migabo n'imigambi kandi byose bishingiye ku kubaka igihugu. Yagize ati " Mugihe kandidature yange yaba yemewe, mfite byinshi bikubiye mu migabo n'imigambi nzabagezaho ubwo nzaba natangiye kwiyamamaza."

Mwubahamana yavuze ko ashingiye ko kuba mu mateka nta Mudepite wigenga urabaho, byamusunikiye kuzahatanira uwo mwanya bigakuraho ayo mateka. Ubwo yabazwaga niba mu buzima busanzwe nta shyaka abarizwamo, yavuze ko nta shyaka abamo usibye ko hari amwe mu mashyaka atavuze amazina ariko ngo ashima ibitekerezo byabo.

Kugira ngo Umukandida wigenga abashe kwicara mu ntebe yo mu nteko, bimusaba kuba afite amajwi 5% bivuze ko muri Miliyoni 9 n'igice z’abemerewe gutora uyu mwaka, umudepite wigenga asabwa we kuzatorwa n'abantu ibihumbi 475 kugira ngo abashe gutsinda.

Marc N

www.andika.rw

………………………………………………………………………………………

Inkuru ziheruka

Ubushinjacyaha bwavuze igihano bwifuza ko gihabwa uwari Umudepite mu Nteko y’u Rwanda wasanganywe intwaro iwe

https://www.andika.rw/news-details.php?nid=129

Togo: Nta matora rusange ya Perezida wa Repubulika azongera kubaho

https://www.andika.rw/news-details.php?nid=128

Rubavu: Umuyobozi w’akagari wungirije ushinzwe iterambere mu karere ka Rubavu (SEDO), yarashwe na Polisi nyuma yo kumwibeshyamo umugizi wa nabi.

https://www.andika.rw/news-details.php?nid=127